गृहपृष्ठ लक्ष्मी बैंकले सुरु गर्यो स्मार्ट फोन लोन सेवा
लक्ष्मी बैंकले सुरु गर्यो स्मार्ट फोन लोन सेवा
लक्ष्मी बैंकले स्मार्ट फोन लोन सेवा सुरु गरेको छ । स्मार्ट फोन लोन सेवाबाट ग्राहकले बैंकको मोबाइल मनी एपबाटै अधिकतम २ लाखसम्मको कर्जा लिन सक्नेछन् ।
कर्जाको मात्रा ग्राहकको खातामा भएको कारोबारको आधारमा तोकिने र त्यसको गणना एपको एनलाइटिक्स सफ्टवेरले गर्ने बैँकले जनाएको छ । हालका लागि यो सेवा बैंकमा तलब तथा बचत खाता हुने ग्राहकका लागि हुने कम्पनीद्वारा जारी विज्ञप्तिमा उल्लेख छ ।
बैंकको यो कर्जा पुरै डिजिटलमैत्री भएकाले कुनै कागज-पत्र तथा निवेदन दिनु पर्दैन । यो पूर्व स्वीकृति हुने भएकाले धितो पनि नचाहिने बैँकले जनाएको छ ।
यो कर्जा अधिकतम् ३० दिनका लागि प्रदान गरिनेछ भने कर्जा उपलब्ध हुनेबित्तिकै कर्जा रकम ग्राहकको खातामा जम्मा हुने व्यवस्था मिलाइएको छ ।
प्रकाशित समय १४:४३ बजे