ज्योति विकास बैँकले कपिलवस्तु सामुदायिक अस्पताललाई एक थान बेबी वार्मर प्रदान गरेको छ । राष्ट्रिय आविष्कार केन्द्र र ज्योति विकास बैँकले संयुक्त रुपमा अस्पताललाई बेबी वार्मर प्रदान गरेका हुन् ।

नवजात शिशुको शारीरिक तापक्रम उचित राख्न प्रयोग हुने बेबी वार्मरबाट प्रसूति सेवा लिन आउनेहरू लाभान्वित हुने अस्पतालले जनाएको छ । अस्पतालमा वार्षिक ५ सयभन्दा बढी महिला प्रसूतिका लागि पुग्ने गर्छन् । आविष्कार केन्द्रले अस्पताललाई पीपीई र फेस सिल्डजस्ता कोरोनाभाइरस नियन्त्रण स्वास्थ्य सामग्रीसमेत प्रदान गरेको छ ।

बैँकले १२औँ वार्षिकोत्सवको अवसरमा राष्ट्रिय आविष्कार केन्द्रलाई १० वटा न्यानो बेबी वार्मर बनाएर ग्रामीण तथा पहुँच नपुगेका अस्पताललाई हस्तान्तरण गर्ने सहकार्यका लागि ८ लाख प्रदान गरेको थियो ।

ज्योति विकास बैँकले १०५ शाखा कार्यालय, १ एक्सटेन्सन काउन्टर तथा ६१ वटा एटीएमबाट सेवा उपलव्ध गराउँदै आएको छ ।

प्रकाशित समय ०८:३५ बजे