ग्लोबल आइएमई बैंक र विराटनगरको न्युरो कार्डियो एन्ड मल्टिस्पेसियालिटी हस्पिटलबीच सम्झौता भएको छ । अस्पतालले प्रदान गर्ने विभिन्न सेवा तथा सुविधामा छुटसम्बन्धी सम्झौतापत्रमा हस्ताक्षर भएको हो ।

सम्झौतापत्रमा अस्पतालका सञ्चालन निर्देशक राजेश भट्टराई र ग्लोबल आइएमईका विराटनगर शाखा प्रबन्धक शशीशेखर शर्माले हस्ताक्षर गरे ।

सम्झौतापश्चात न्युरो कार्डियो एन्ड मल्टिस्पेसियालिटी हस्पिटल विराटनगरमा उपचार गराउँदा ग्लोबल आइएमई बैंकका डेबिट, क्रेडिट, प्रिभिलेज कार्ड लिएका ग्राहक, बैंकका कर्मचारी तथा ग्राहकका परिवारजनले विभिन्न सेवामा १५ प्रतिशत छुट पाउनेछन् ।

प्रकाशित समय १७:३३ बजे