खातामा पैसा नभई १० लाख रुपैयाँको चेक दिने कृष्णलाल ढोला पक्राउ परेका छन् । चेक बाउन्स भएको भन्दै सुभकुमारी मगरले जाहेरी दिएपछि ढोला काठमाडौंको अनामनगरबाट पक्राउ परेका हुन् ।

ढोलाविरुद्ध बैँकिङ कसुर मुद्दामा उच्च अदालत पाटनले २०७६ मंसिर २३ गते १० लाख रुपैयाँ जरिवाना हुने ठहर गरेको थियो । ढोला अदालतको आदेश नमान्दै काठमाडौं अनामनगर क्षेत्रमा लुकीछिपी बस्दै आएका थिए ।

उनलाई प्रहरीले आइतबार प्रकाउ गरी सार्वजनिक गरेको छ । ढोलाले खातामा रकम छैन भन्ने जानी‑जानी जाहेरवालालाई झुक्यानमा पारी ज्योति विकास बैंक ललितपुर शाखाको १० लाख रुपैयाँको चेक दिएको प्रहरीले जनाएको छ ।

बैंक खातामा पर्याप्त मौज्दात रकम नभई चेक दिएकोले भुक्तानी हुन नसकेको भन्दै अदालतले बैँकिङ कसुरजन्य अपराध गरेको ठहर गरेको छ । ढोलाविरुद्ध बैंकिङ कसुर तथा सजाय ऐन २०६४ अनुसार कारबाही प्रक्रिया अघि बढाइएको छ ।

प्रकाशित समय ०७:०७ बजे