सेयर बजार परिसूचक नेप्से साताको अन्तिम कारोबार हुने दिन बिहीबार बढेको छ । बुधबार १० अंकले घटेको नेप्से परिसूचक बिहीबार ४.५७ अंकले बढेर १३३१.१ अंकमा पुगेको हो । साताका सुरुवाती तीन दिन नै नेप्से उकालो लागेको थियो ।

बिहीबार बैंक र व्यापारबाहेकका सबै समूह उकालो लागेपछि समग्र बजार परिसूचक सकारात्मक बन्यो । बैंक र व्यापार समूह सामान्य घटेका छन् । १७८ कम्पनीको २२ लाख २६ हजार २०३ कित्ता सेयर ९० करोड ८० लाख रुपैयाँबराबरमा किनबेच भएको छ । यो कारोबार रकम बुधबारको तुलनामा १७ करोड कम हो । बुधबार १ अर्ब ७ करोडको सेयर कारोबार भएको थियो ।

बिहीबार सूर्योदय लघुवित्त, एनआइसी एसिया लघुवित्त र वोमी माइक्रोफाइनान्सको सेयर मूल्यमा सकारात्मक सर्किट लागेको छ । सर्वाधिक बढ्ने १० कम्पनीको सूचीमा गुह्येश्वरी मर्चेन्ट बैंक एन्ड फाइनान्स, एनएमबी माइक्रोफाइनान्स, तिनाउँ मिसन डेभलपमेन्ट बैंक, सानिमा इक्विटी फन्ड, जोशी हाइड्रोपावर, हिमाल दोलखा हाइड्रोपावर र युनाइटेड फाइनान्स पनि परेका छन् । बिहीबार पनि नेपाल रिइन्स्योरेन्स कम्पनीको सर्वाधिक १५ करोड १८ लाख रुपैयाँबराबरको सेयर किनबेच भएको छ ।

प्रकाशित समय १६:१५ बजे