प्रधानमन्त्री केपी शर्मा ओलीले संसद विघटनका लागि राष्ट्रपतिसमक्ष सिफारिस गरेसँगै ओरालो यात्रा सुरु गरेको सेयर बजार आइतबार ९६ अंकले ओरालो लागेको छ । कारोबार खुलेसँगै लगातार घट्न थालेको बजार केहीबेरपछि बढे पनि टिक्न सकेन ।

राष्ट्रपतिले प्रधानमन्त्रीको सिफारिसमा अढाइ बजेतिर संसद विघटन गरेसँगै अन्तिम २५ मिनेटमै सेयर बजार ४३ अंकले घटेर १९७८ बाट १९३५ अंकमा झर्‍यो । नेप्सेमा सूचीकृत सबै समूह राताम्य बनेपछि नेप्से परिसूचक ९६.८८ अंकले घटेर १९३५.६३ अंकमा झरेको छ ।

आइतबार १९८ कम्पनीको १ करोड ४५ लाख ९ हजार ५३३ कित्ता सेयर ९ अर्ब ४ करोड ७९ लाख रुपैयाँमा किनबेच भएको छ । घटेको बजारमा पनि १४ कम्पनीका लगानीकर्ताले कमाएका छन् । युनाइटेड हाइड्रोपावर, एभरेस्ट इन्स्योरेन्सको संस्थापक सेयर, माहुली सामुदायिक लघुवित्त, सनराइज फर्स्ट म्युचुअल फन्ड, बेस्ट फाइनान्स, हिमालयन डिस्टिलरीलगायत कम्पनीका लगानीकर्ताले कमाएका हुन् ।

प्रकाशित समय १५:३० बजे