गत साताभरमा ४० अंकले घटेको सेयर बजार यो साताको पहिलो दिन आइतबार पनि दोहोरो अंकले घटेको छ । उत्पादनमूलक र अन्यबाहेकका सबै समूह ओरालो लागेपछि समग्र बजार परिसूचक १३.०१ अंकले घटेर १२१४.३६ अंकमा झरेको छ ।

आइतबार बैंक १.२५, होटल २.०२, विकास बैंक १.४४, जलविद्युत् ०.२, वित्त ०.९७, निर्जीवन बिमा १.७८, लघुवित्त १.२७ र जीवन बिमा समूह ०.९७ प्रतिशतले घटेको छ । उत्पादनमूलक र अन्य समूहमा झिनो अंकको वृद्धि आएको छ ।

नेप्से परिसूचकसँगै कारोबार रकम पनि घट्न थालेको छ । आइतबार १६० कम्पनीको ४० करोड ७५ लाख रुपैयाँबराबरको १३ लाख ३७ हजार ५२६ कित्ता सेयर किनबेच भयो ।

प्रकाशित समय १५:४६ बजे