एसईई परीक्षाको प्रश्नपत्र बाहिरिएको विषयमा नेपाल प्रहरीको केन्द्रीय अनुसन्धान ब्यूरो (सिआईबी) ले छानबिन गर्ने भएको छ । प्रदेश नम्बर २ मा दैनिक प्रश्नपत्र बाहिरिएपछि शुक्रबार बसेको एसईई परीक्षा सुरक्षा समितिको बैठकले छानबिन गर्ने जिम्मा सिआईबीलाई दिएको हो ।

शिक्षामन्त्री गिरिराजमणि पोखरेलले आकस्मिक बैठक बोलाएका थिए । प्रदेश २ मा बिहीबार विज्ञान र शुक्रबार सामाजिक विषयको प्रश्नपत्र बाहिरिएपछि प्रदेश २ मा दुवै दिनको एसईई परीक्षा रद्ध गरिएको छ ।

प्रश्नपत्र बाहिरिएलगत्तै दुई दिनको एसईई परीक्षा रद्ध भएपछि विद्यार्थीले भने प्रदेश २ का सबै जिल्लामा आन्दोलन गरेका छन् ।

प्रकाशित समय १६:२४ बजे