टेकुस्थित सहिद शुक्रराज ट्रपिकल तथा सरूवा रोग अस्पतालमा उपचारका लागि भर्ना भएकी नेपालको दोस्रो काेराेना संक्रमित युवतीलाई डिस्चार्ज भएकी छन् ।

कोरोना संक्रमित युवती प्रसिद्धि श्रेष्ठलाई शनिबार अस्पतालले डिस्चार्ज गरेको हो । उनी पूर्ण रुपमा स्वस्थ भइसकेकाे अस्पतालले जनाएकाे छ । उनी कोरोना संक्रमण पुष्टि भएपछि चैत १० गतेदेखि  उपचाररत थिइन् ।

१९ वर्षीया श्रेष्ठ गत चैत ४ मा फ्रान्सबाट कतार हुँदै नेपाल आएकी थिइन् । रुघाखोकी लागेपछि स्वाब परीक्षण गर्दा उनीमा कोरोना संक्रमण पुष्टि भएको थियो ।

यसअघि चीनबाट आएका एक युवकमा कोरोनाभाइरसको संक्रमण देखिएको थियो । उनी पनि उपचारपछि घर फर्किसकेका छन् । योसँगै नेपालमा कोरोना भाइरस संक्रमित ३० जनामध्ये २ जना निको भएर घर फर्किएका छन् ।

प्रकाशित समय १४:०१ बजे