गण्डकी प्रदेशमा थप १० जनामा कोरोना पोजेटिभ भेटिएको  छ । स्याङ्जा र पर्वतमा १० जना कोरोना संक्रमित थपिएका हुन् । स्याङ्जाको चापाकोट नगरपालिका घर भई सोही नगरपालिकाको क्वारेन्टाइनमा रहेका २२, २६, ३२ र ४० वर्षका चार जना पुरुषमा कोरोना संक्रमण भेटिएको हो । त्यस्तै  बिरुवा गाउँपालिका ठेगाना भई  सोही क्वारेन्टाइनमा रहेका २० वर्षीय एक जना पुरुषमा कोरोना पुष्टि भएको छ ।

त्यसैगरी पर्वतको फलेबास नगरपालिका घर भएका कुश्मा नगरपालिकाको क्वारेन्टाइनमा रहेका २० र ४० वर्षीय २ जना पुरुष र महाशिला गाउँपालिका- ४, सिम्लेका ३ जना पुरुष वर्ष १९, २० २१ वर्षलाई कोरोना संक्रमणको पुष्टि भएको छ । पर्वतमा पहिलोचोटि कोरोना संक्रमण भेटिएको हो ।

उनीहरु सबैलाई अहिले जिल्ला अस्पतालको आइसोलेसनमा लैजाने तयारी भइरहेको स्वास्थ्य निर्देशनालय गण्डकीका निर्देशक विनोदबिन्दु शर्माले जानकारी दिए । उनीहरूको पोखरा स्वास्थ्य विज्ञान प्रतिष्ठानको प्रयोगशालामा परीक्षण भएको हो । योसँगै गण्डकीमा कोरोना संक्रमितको संख्या ३७ पुगेको छ ।

प्रकाशित समय ०७:५४ बजे