सरकाले कोरोनाभाइरस नियन्त्रण तथा रोकथाममा लापर्बाही गरेको भन्दै अनसनरत ‘इनफ इज इनफ’ अभियानका अभियन्ताले अनसन तोडेका छन् । सरकारले कोरोना परीक्षणको दायरा बढाएको र कोरोना नियन्त्रणमा स्वास्थ्य मन्त्रालयले सकारात्मक पहल गरेको निष्कर्षसहित उनहरूले अनसन तोडेका हुन् ।

मन्त्रालयसँग स्वास्थ्यकर्मी कसैलाई पिपिई अभाव भयो भने तत्काल उपलब्ध गराउने, कोरोना नियन्त्रणमा भएको खर्च यथाशीघ्र सार्वजनिक गर्नेलगायतका १२ बुँदामा सहमति जनाउँदै ईः ले २३ दिनमा अनसन तोडेका छन् । ईः लाई स्वास्थ्य मन्त्रालयका सहप्रवक्ता समिर अधिकारीले पानी पिलाएर अनसन तोडाए ।

अनसन तोडिएपछि ‘इनफ इज इनफ’ले जारी गरेको प्रेस विज्ञप्तिमा युवाहरुको स्वस्फूर्त अभियानको उपलब्धिस्वरुप पिसिआर परीक्षणको संख्या र दायरा वृद्धि भएको, कोभिड–१९ रोकथाम तथा नियन्त्रणमा स्वास्थ्य मन्त्रालयले तयार गरेको निर्देशिका तथा कार्यविधिहरुको कार्यान्वयन, प्रचारप्रसार गर्ने गराउने काममा सकारात्मक पहल भएकोलगायत उल्लेख छ ।

प्रकाशित समय ११:०२ बजे