नेपालमा कोरोनाभाइरस संक्रमितको संख्या २३ हजार नाघेको छ । पछिल्लो २४ घन्टाभित्र ८ हजार ४३२ जनाको परीक्षण गर्दा  ३ सय ३८ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।

थपिएका संक्रमितमध्ये काठमाडौं उपत्यकाका ४४ जना रहेका छन् । जसमा काठमाडौंका ३६ तथा ललितपुर र भक्तपुरका ४/४ जना छन् । मन्त्रालयका प्रवक्ता डा. जागेश्वर गौतमले विभिन्न जिल्लामा थपिएकासहित देशभर संक्रमितको संख्या २३ हजार ३ सय १० पुगेको जानकारी दिए ।

पछिल्लो २४ घण्टामा १४० जना संक्रमित निको भएर घर फर्किएका छन् भने हालसम्म निको हुनेको कुल संख्या १६ हजार ४९३ जना पुगेको छ । अब सक्रिय संक्रमितको संख्या ६ हजार ७३८ रहेको छ ।

अहिलेसम्म नेपालका काेराेना संक्रमणबाट  ७९ जनाको ज्यान गएको छ ।

प्रकाशित समय १६:२८ बजे