भारतमा कोरोना संक्रमितको संख्या ३० लाख नजिक पुगेको छ । गएको २४ घण्टामा मात्रै ६९ हजार ३९ जनामा संक्रमण देखिएपछि कुल संक्रमितको संख्या २९ लाख ७३ हजार ३६८ पुगेको हो ।

भारतीय स्वास्थ्य विभागका अनुसार करिब ७० प्रतिशत संक्रमित कोरोनामुक्त भइसकेका छन् । कुल संक्रमितमध्ये २२ लाख २० हजार ७९९ जना डिस्चार्ज भइसकेका छन् भने ६ लाख ६९ हजार ६४१ जनाको उपचार भइरहेको छ ।

अहिलेसम्म भारतमा कोरोनाका कारण ज्यान गुमाउनेको संख्या ५५ हजार ९२८ पुगेको छ । शुक्रबार मात्रै भारतमा ९५३ जनाले ज्यान गुमाएका छन् ।

प्रकाशित समय १०:१५ बजे