छिमेकी मुलुक भारतमा कोरोना संक्रमितको संख्या ४० लाख नाघेको छ । गएको २४ घण्टामा मात्रै ८७ हजार ११५ जनामा थप संक्रमण देखिएपछि कुल संक्रमितको संख्या ४० लाख २० हजार २३९ पुगेको हो ।

भारतीय स्वास्थ्य विभागका अनुसार शुक्रबार मात्रै भारतमा एक हजार ६६ जनाले ज्यान गुमाएका छन् । योसँगै भारतमा अहिलेसम्म ज्यान गुमाउनेको संख्या ६९ हजार ६३५ पुगेको छ ।

कुल संक्रमितमध्ये अहिलेसम्म ३१ लाख चार हजार ५१२ जनाको सफल उपचार भएको छ भने आठ लाख ४६ हजार ९२ संक्रमितको उपचार भइरहेको छ । उपचाररतमध्ये पनि ९ हजार जना संक्रमितको स्वास्थ्य अवस्था चिन्ताजनक रहेको जनाएको छ ।

प्रकाशित समय १४:१६ बजे