नेपालमा पछिल्लो २४ घण्टामा थप २५९ जना कोरोना संक्रमित थपिएका छन् । यसमध्ये काठमाडौं उपत्यकामा थप १२६ जनामा कोरोना भाइरसको संक्रमण पुष्टि भएको हो । स्वास्थ्य तथा जनसंख्या मन्त्रालयका अनुसार काठमाडौंमा ९९, भक्तपुरमा ९ र ललितपुरमा १८ जना कोरोना संक्रमित थपिएका हुन् ।

हाल देशभर कोरोना संक्रमितको कुल संख्या २ लाख ६४ हजार ७८० पुगेको छ । सक्रिय संक्रमितको संख्या ४ हजार ४ सय २२ रहेको छ । गत २४ घन्टामा ३ हजार ३ सय ९९ पीसीआर परीक्षण भएको मन्त्रालयले जनाएको छ ।

मन्त्रालयका अनुसार आइतबार ५१३ जना कोरोना संक्रमित डिस्चार्ज भएका छन् । हालसम्म डिस्चार्ज हुनेको संख्या २ लाख ५८ हजार ४४१ पुगेको छ । यस्तै नेपालमा कोरोनाबाट ज्यान गुमाउनेको संख्या १ हजार ९ सय १७ पुगेको छ । पछिल्लो २४ घण्टामा थप ५ जना कोरोना संक्रमितको मृत्यु भएको मन्त्रालयले जनाएको छ ।

प्रकाशित समय १६:५२ बजे