सिरहास्थित फूलकुमारी महतो मेमोरियल अस्पताललाई मोबाइल मेडिकल कार प्रदान गरिएको छ । दुर्गम क्षेत्रका जनतालाई घरदैलोमै गुणस्तरीय स्वास्थ्य सेवा पुर्याउने उद्देश्यले जापान सरकारको तर्फबाट प्राप्त मोबाइल मेडिकल कार अस्पताललाई प्रदान गरिएको हो ।

नेपालका लागि जापानका राजदूत मासामिशी ओगावाले सोमबार एक कार्यक्रमबीच मोबाइल क्लिनिक अस्पतालका मेडिकल डाइरेक्टर डा. शिवशंकर शाहलाई हस्तान्तरण गरे । टोयोटा हायस गाडीलाई जापानस्थित टोयो फ्याक्ट्रीले मोबाइल क्लिनिकको स्वरुपप्रदान गरी उपलब्ध गराएको हो । मोबाइल मेडिकल क्लिनिकबाट सिरहा, सप्तरी, उदयपुर, सिन्धुली र धनुषाका जनताले लाभ पाउनेछन् ।

जापानमा अध्ययनरत नेपालीलगायत विश्वका विभिन्न देशका विद्यार्थी आबद्ध संस्था आइज्याक नेपालको पहलमा जापान सरकारको ग्रास रुट परियोजनाअन्तर्गत उक्त कार नेपाललाई प्राप्त भएको हो ।

प्रकाशित समय २०:३८ बजे