अख्तियार दुरुपयोग अनुसन्धान आयोगले पूर्वस्वास्थ्य सचिव डा.पुष्पा चौधरीले मन्त्रालयको फाइल गायब पारेको आशंकामा छानबिन सुरु गरेको छ । सचिव चौधरीले केही निर्णय पूर्व मितिमा गरेको र केही फायल गायब बनाएको आशंकामा आयोगले मन्त्रालयका कर्मचारीलाई फोन गरेर फइल पत्ता लगाउन भनेको छ ।

दसैं अघि नै सचिव चौधरीको सरुवा भएपनि दसैंपछिको शनिवार समेत अबेरसम्म मन्त्रालयमा बसेर काम गरेको आरोप लागेपछि अख्तियारले छानबिन सुरु गरेको हो । स्वास्थ्य मन्त्रालयमा रहँदा उनका केही काम विवादित बनेपछि सरकारले उनलाई प्रधानमन्त्री कार्यालयमा तानेको छ ।

प्रकाशित समय १२:०८ बजे