नेदरल्याण्डको इन्डिमोल साइनद्वारा संचालित बिग ब्रदरको फ्रेन्चाइज बिगबोस टिभी रियालिटी सो नेपालमा पनि हुने भएको छ । नेपालमा बिगबोस आइम्याक्स प्रोडक्सनले संचालन गर्ने छ । यो कार्यक्रम नेपालको इतिहासमा अहिलेसम्मकै सबैभन्दा ठूलो फ्रेन्चाइज टिभि रियालिटि सो हुने आइम्याक्सको दावी छ ।
नेपाल भित्रिएको यो रियालिटि सो नेपालकै एक नेपाली टेलिभिजन च्यानलमा चाडै सुरु हुने बताइकको छ । ‘यस्तो कार्यक्रमले नेपाललाई विश्वमाझ चिनाउन समेत सहयोग पुग्ने छ’, कम्पनीले विज्ञप्ति जारी गरि भनेको छ ।
नेदरल्याण्डको इन्डिमोल साइनद्वारा यसअघि ५४ देशमा संचालन हुँदै आएको बिग ब्रदर संचालन हुने नेपाल ५५ औं देश हुने छ । देशअनुसार फरक फरक भाषामा सञ्चलन हुने यो कार्यक्रम नेपालमा नेपाली भाषामै प्रसारण हुनेछ । यसरी सञ्चालन हुने कार्यक्रम विग ब्रदरकै संरचनाअनुसार हुनेछ ।
बिग बसमा सहभागीलाई १०० दिनसम्म सञ्चार सम्पर्कविहिन गराइ घरभित्र राखिन्छ । अन्तिमसम्म घरमै रहिरहने सहभागीले बिगबसको ट्रफी जित्ने छन् ।

प्रकाशित समय १६:२० बजे