कोरोना भाइरस संक्रमितको संख्या २१ हजार नाघेको छ । स्वास्थ्य तथा जनसंख्या मन्त्रालयले पछिल्लो २४ घन्टामा २ सय ५९ जना थपिएको जनाएको छ । थपिएका संक्रमितमध्ये काठमाडौंका ४८, भक्तपुरका १३ र ललितपुरका १ जना रहेका छन् ।

नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले विभिन्न जिल्लामा थपिएकासहित देशभर संक्रमितको संख्या २१ हजार ९ पुगेको जानकारी दिए । उनका अनुसार पछिल्लो २४ घन्टामा थप एकजनाको मृत्यु भएको छ ।

संक्रमितमध्ये १५ हजार २६ जना उपचारपछि घर फर्किएका छन् । हालसम्म नेपालका काेराेनाबाट ५८ जनाको ज्यान गएको छ ।

प्रकाशित समय १६:२८ बजे