जुम्लामा अनसनरत डा. गोविन्द केसीको अनसन लम्बिँदै जाँदा उनको स्वास्थ्यस्थिति खस्केको भन्दै सरकारले काठमाडौं ल्याउने तयारी गरेको थियो । सरकारको यो तयारीसँगै उनलाई लिन जुम्ला पुगेको हेलिकप्टरसहितको सरकारी टोलीलाई उनका समर्थकहरुले अबरोध गरेका थिए ।

एकातर्फ अनसनरत डा. केसीको स्वास्थ्यस्थिति खस्कदै जाने र अर्कातर्फ उनका समर्थकहरुले काठमाडौं लैजान अबरोध गर्न थालेपछि प्रहरीले लाठी चार्ज गरी भीडलाई तितरबितर पारेको थियो । डा. केसीका समर्थक र प्रहरीबीच भएको उक्त झडपमा परी १० जनाभन्दा बढी केसीका समर्थक घाइते भएका छन् ।

शिक्षा, विज्ञान तथा प्रविधि मन्त्री गिरिराज मणि पोखरेलले बिहिबार विहान मन्त्रालयमा पत्रकार सम्मेलन गरी डा. केसीलाई काठमाडौं ल्याइने बताएका थिए । त्यसका लागि उनले प्रदेश सरकारको समेत सहयोग लिने बताएका थिए । तर, डा. केसीलाई भेट्न गएका कर्णाली प्रदेशका मुख्यमन्त्री महेन्द्र बहादुर शाही लगायतलाई अबरोध भएको थिायो ।

अहिले डा. केसी काठमाडौं आउन तयार भएका छन् ।

प्रकाशित समय १२:५९ बजे