भेनेजुएलाको ग्रामीण इलाकामा बस दुर्घटना हुँदा १८ व्यक्तिको मृत्यु भएको छ । बसमा सवार ५८ यात्रुमध्ये १४ जनाको दुर्घटनास्थलमै मृत्यु भएको थियो भने ४ जनाको उपचारका क्रममा मृत्यु भएको स्थानीय पत्रिका पानोरामाले जनाएको छ । दुर्घटनामा घाइते भएका ३३ यात्रुको उपचार भइरहेको छ । तीमध्ये गम्भीर घाइतेको संख्या धेरै रहेको जनाइएको छ ।

कोलम्बियाको सीमा क्षेत्रमा पर्ने जुलिया राज्यको ग्रामीण इलाकामा दुर्घटना भएको हो । दु्रतगतिमा सवारी साधन चलाएका कारण दुर्घटना भएको प्रारम्भिक अनुसन्धानमा देखिएको छ । विश्व स्वास्थ्य संगठनले जारी गरेको एक प्रतिवेदनमा भेनेजुएलामा सन् २०१६ मा १० हजार ६ सय व्यक्तिको सडक दुर्घटनामा परी मृत्यु भएको थियो ।

प्रकाशित समय १६:५१ बजे