नोवेल कोरोनाभाइरस (कोभिड १९) संक्रमण फैलिएका कारण रोजगारी गुमाएकाहरुलाई लक्षित गरी क्यानेडियन सरकारले बम्पर राहत प्याकेज घोषणा गरेको छ । कोभिड १९ इकोनोमिक रेस्पोन्स प्लानअन्तर्गत क्यानेडियन सरकारले रोजगारी गुमेकाहरूलाई चार महिनासम्म प्रतिमहिना दुई हजार डलरका दरले राहत रकम उपलब्ध गराउनेलगायतका कार्यक्रम घोषणा गरेको हो ।

क्यानेडियन सरकारको व्यक्तिगत सहयोग पाउनेमा व्यक्ति र परिवार, रोजगारी गुमाएका, बिरामी भएका, क्वारेन्टाइन तथा सेल्फ आइसोलेसनमा रहेका, काममा जान नसकेका, वृद्धवृद्धा, विगतदेखि नै सरकारबाट भरणपोषण पाइरहेका, विद्यार्थी र युवा वर्ग परेका छन् ।

राहत प्याकेजअन्तर्गत व्यवसायीले पनि क्यानेडियन सरकारबाट सहयोग पाउनेछन् । व्यावसायिक सहयोग पाउनेमा ज्यालादारी मजदुर राख्ने उद्योग, कृषक, वित्तीय स्थायित्व, उड्डयन कम्पनीहरू छन् । यस्तो रकम तत्काल पाउनका लागि क्यानेडियन सरकारले आफ्ना नागरिकलाई अनलाइनबाट दर्ता भएर आफ्नो डिटेल भर्न आग्रह गरेको छ ।

प्रकाशित समय २१:१० बजे