विश्वभर महामारीको रुपमा फैलिएको नोबेल कोरोना भाइरसका कारण ज्यान गुमाउनेको संख्या ५९ हजार १४० जनाको मृत्यु भएको छ । विश्वभर एकैदिन मात्रै पाँच हजार ९७२ जनाको ज्यान गएको छ भने ८२ हजार ७४५ जनामा नयाँ संक्रमण देखा परेको छ ।

सबैभन्दा बढी अमेरिकामा दुई लाख ७६ हजार ९६५ जनामा संक्रमण देखिएको छ भने सात हजार ३९१ जनाको मृत्यु भएको छ । अमेरिकामा एकै दिन मात्रै एक हजार ३२० जनाको ज्यान गएको छ भने ३२ हजार ८८ जनामा नयाँ संक्रमण देखिएको छ ।

त्यस्तै इटालीमा ज्यान गुमाउनेको संख्या भने सबै देशको भन्दा बढी देखिएको हालसम्म इटालीमा १४ हजार ६ सय ८१ जनाको ज्यान गएको छ । त्यस्तै एक लाख १९ हजार ८२७ जनामा संक्रमण देखिएको छ । त्यस्तै स्पेनमा पनि ११ हजार १९८ जनाको ज्यान गएको छ भने एक लाख १९ हजार १९९ जनामा संक्रमण देखिएको छ ।

छिल्लो केही दिनयता तीव्र रुपमा फैलिदै आएको भाइरसका कारण फ्रान्समा पनि धेरै मानवीय क्षति व्यहोर्दै आएको छ । एकैदिन फ्रान्समा एक हजार १२० जनाको ज्यान गएको छ । त्यहाँ हालसम्म ६ हजार ५०७ जनाको ज्यान गएको छ भने ६४ हजार ३३८ जनामा संक्रमण देखिएको छ ।

प्रकाशित समय ०६:३६ बजे