विश्वभर ४९ लाख २१ हजार मानिस नोवल कोरोनाभाइरस (कोभिड १९) लाई जितेर घर फर्किंदा ३७ लाख ९० हजार यो रोगसँग लडिरहेका छन् । २०१९ डिसेम्बर ३१ का दिन चीनको वुहान प्रान्तबाट सुरू भएर तीव्रगतिमा फैलिएको कोभिड १९ बाट विश्वभर ९१ लाख ८६ हजार मानिस संक्रमित भएका थिए । कोरोनाबाट हालसम्म चार लाख ७४ हजार २८५ जनाको ज्यान गइसकेको छ ।

कोरोनाबाट सर्वाधिक अमेरिकामा २३ लाख ८८ हजार मानिस संक्रमित भएकोमा एक लाख २२ हजार ६१० जनाको मृत्यु भएको छ । १० लाख तीन हजार मानिस निको भएर फर्किंदा १२ लाख ६२ हजारको अस्पतालमै छन् । ती मध्ये १६ हजार ५१० जनाको अवस्था गम्भीर छ ।

ब्राजिलमा ११ लाख ११ हजार, रुसमा ५ लाख ९२ हजार र भारतमा ४ लाख ४० हजार मानिसलाई कोरोना लागिसकेको छ । हालसम्म ब्राजिलमा ५१ हजार ४०७, रुसमा ८ हजार २०६ र भारतमा १४ हजार १५ जनाले ज्यान गुमाएका छन् ।

बितेका २४ घण्टामा मात्रै अमेरिकामा थप ३१ हजार, ब्राजिलमा २४ हजार र भारतमा १३ हजार ५४० मानिस संक्रमित भए । यो अवधिमा मेक्सिकोमा सर्वाधिक एक हजार ४४, ब्राजिलमा ७४८, अमेरिकामा ३६३ र भारतमा ३१२ जनाको मृत्यु कोरोनाबाट भयो । २४ घण्टामा विश्वभर एक लाख ३८ हजार संक्रमित थपिए भने ३ हजार ८७८ जनाको मृत्यु भयो ।

प्रकाशित समय ०७:२० बजे