जापानमा केही दिनयता बढेको प्रचण्ड गर्मीका कारण १४ जनाले ज्यान गुमाएका छन् । दुई सातादेखि बढेको अत्यधिक गर्मीका कारण शरीरमा पानी कम भएर उनीहरुको मृत्यु भएको हो । मृत्यु हुनेमा अधिकांश वृद्धवृद्धा र बालबालिका छन् ।

एक महिनादेखि बढेको गर्मीका कारण करिब ९ हजारजना बिरामी परेको जापानको स्वास्थ्य, श्रम तथा समाजकल्याण मन्त्रालयले जनाएको छ । मन्त्रालयका अनुसार अस्पतालहरुमा गर्मीका कारण बिरामी हुनेहरुको चाप बढेको छ ।

घरभित्र वातानुकूलित वातावरणमा बसेका वृद्धवृद्धा र बालबालिका एक्कासि बाहिर निस्कँदा गर्मी सहन नसकेर बिरामी हुने गरेको चिकित्सकहरुले बताएका छन् । सामान्य तापक्रममा बसिरहेका बेला एक्कासि गर्मीमा ननिस्कन चिकित्सकहरुले सुझाव दिएका छन् । गर्मी धेरै बढेपछि सामुद्रिक क्षेत्रमा मानिसहरुको भीड बढेको छ । जापानको बाहिरी तापक्रम अहिले ३६ डिग्री छ ।

प्रकाशित समय १३:५६ बजे