श्रीलंकाका राष्ट्रपति मैत्रीपाला सिरिसेनाले रनिल विक्रमासिंघेलाई प्रधानमन्त्रीबाट हटाएर महिन्दा राजपाक्षेलाई शुक्रबार प्रधानमन्त्रीको सपथ गराए । यसअघि एक पटक प्रधानमन्त्री र दुई पटक राष्ट्रपति बनिसकेका राजपाक्षेलाई प्रधानमन्त्रीको सपथ गराएपछि श्रीलंकामा प्रदर्शन सुरु भएको एजेन्सीहरुले जनाएका छन् ।

यो सँगै श्रीलंकामा राजनीतिक संकट गहिरिएको र त्यसले हिंसाको रुप लिएको जनाइएको छ । सिंघेका विश्वासपात्र एवं पूर्व पेट्रोलियम मन्त्री अर्जुन राणतुंगाका अंगरक्षकले महिन्दा राजपाक्षेका समर्थकमाथि गोली चलाएको अन्तर्राष्ट्रिय सञ्चार माध्यमले समाचार लेखेका छन् ।

उक्त घटनामा परी गम्भीर घाइते भएका एक व्यक्तिको ज्यान गएको र दुई जना घाइते भएको जनाइएको छ । रणतुंगा सीपीसीमा प्रवेश गर्न खोज्दा केही कर्मचारीले उनलाई रोकेपछि अंगरक्षकले गोली चलाएका थिए ।

उता विक्रमा सिंघेले आफूलाई हटाउने राष्ट्रपतिको कदमलाई ‘अवैधानिक’ भनेका छन् । बर्खासी लगत्तै विक्रमासिंघेले संसदका आपतकालीन सत्र बोलउन माग गरेका थिए, यसर्थ कि उनी आफ्नो बहुमत सिद्द गर्न सकुन् ।

यो पनि पढ्नुस् ।

महिन्दा राजपाक्षे : राष्ट्रपतिबाट प्रधानमन्त्रीतर्फ

प्रकाशित समय १६:३५ बजे