स्वतन्त्र मधेस गठबन्धनका नेता डा. सिके राउतले आजको दिन ऐतिहासिक भएको बताएका छन् । राष्ट्रियसभा गृहमा सरकारसँग ११ बुँदे सहमतिपछि सम्बोधन गर्दै उनले आजको दिन ऐतिहासिक भएको बताएका हुन् । उनले आफूहरु बुद्धका सन्तान भएको बताएका छन् ।

उनले आफूले शान्तिपुर्ण आन्दोलनको मार्ग समातेर आएको बताए । ११ बुँदे सहमति जनताका लागि खुसीको कुरा भएको राउतले बताए । हिंसात्मक गतिविधिमा नलाग्न अन्य पक्षलाई समेत उनले आह्वान गरे ।

‘हिंसात्मक आन्दोलन गरेर समय खेर फाल्ने समय होइन, देशको विकास हासिल गर्ने बेला हो’ उनले भने । उनले जनमत संग्रहको आधारमा समस्या समाधान गर्न दुबै पक्ष तयार भएकाले सहमति भएको बताए । उनले प्रधानमन्त्री ओलीको प्रशंसा समेत गरे । यसअघि गृहमन्त्री रामबहादुर थापा र राउतले ११ बुँदे सहमतिमा हस्ताक्षर गरेका थिए ।

प्रकाशित समय १४:४० बजे