चैत १२ गते बसेको केन्द्रीय अनुशासन समितिको प्रथम बैठकको निर्णयअनुसार पार्टीहित विपरितका गतिविधि गर्ने सदस्यलाई कारबाहीका लागि ‘नेमलिस्ट’ पठाउन जिल्ला कार्यसमितिलाई कांग्रेसले पत्राचार गरेको छ । उक्त बैठकले चैत मसान्तभित्र परेको उजुरीउपर कारबाही गर्ने निर्णय गरेको थियो ।

पार्टीको केन्द्रीय अनुशासन समितिको आइतबार बसेको दोश्रो बैठकले स्थानीय तह, प्रदेशसभा तथा प्रतिनिधिसभा निर्वाचनमा स्वतन्त्र उम्मेदवार भएका र निजका प्रस्तावक तथा समर्थक भएका पार्टी सदस्यको नामावली सबै जिल्लाबाट सात दिनभित्र उपलब्ध गराउन पत्राचार गर्ने निर्णय गरेको संयोजक भिस्मराज आङ्दाम्बेले जानकारी दिए ।

बैठकले कांग्रेस परित्याग गरी अन्य राजनीतिक दलमा गएका व्यक्तिको नामावली पनि संकलनका लागि पत्राचार गर्ने निर्णय गरेको संयोजक आङ्दाम्बेले बताए ।

पार्टी केन्द्रीय कार्यसमितिले चैत ४ गते बसेको बैठकले केन्द्रीय सदस्य आङदम्बेको संयोजकत्वमा केन्द्रीय सदस्य किशोरसिंह राठौर, देवेन्द्रराज कँडेल, उमाकान्त चौधरी र धनराज गुरुङ सदस्य रहेको अनुशासन समिति गठन गरेको थियो ।

प्रकाशित समय १३:१३ बजे