नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका प्रशासन विभाग प्रमुख रहेका अनिल शर्मा विरही पक्राउ परेका छन् । उनलाई गृहजिल्ला चितवनबाट पक्राउ गरिएको गृह मन्त्रालय स्रोतले जनाएको छ ।

चितवनको रत्ननगर वडा नं ५ घर भएका नेता शर्मा भर्‍याङबाट लडेपछि परिवारका सदस्यहरुले उनलाई पुरानो मेडिकल कलेज पुर्‍‍याएका थिए । उनी अस्पतालमा पुगेको सूचना पाएपछि प्रहरीले नियन्त्रणमा लिएको हो ।

विरही विप्लव नेतृत्वको नेकपाका पोलिटब्युराे सदस्य सदस्यसमेत हुन् । उनलाई काठमाडौं ल्याउने वा चितवनमै मुद्दा चलाउने भन्ने विषयमा निर्णय भइनसकेको प्रहरी स्रोतले जनाएको छ ।

प्रकाशित समय १४:३७ बजे