सत्तारुढ नेपाल कम्युनिष्ट पार्टी (नेकपा)को साेमबार बस्ने भनिएको सचिवालय बैठक भोलि मंगलबार दिउँसो साढे १२ बजेका लागि सारिएको छ । पेरिसडाँडास्थित पार्टी कार्यालयमा दिउँसो १ बजे बस्ने भनिएको बैठक स्थगित भएको महासचिव विष्णु पौडेलले जानकारी दिए ।

महासचिव पौडेलका अनुसार नेताहरुको कार्यव्यस्तताका कारण बैठक स्थगित भएको हो ।  मंगलबारको बैठक प्रधानमन्त्रीको सरकारी निवास बालुवाटारमा बस्ने उनले जानकारी दिए ।

पार्टी एकतापछि पहिलो पटक पेरिसडाँडामा आइतबार बसेको सचिवालय बैठकमा मन्त्रिपरिषद पुनर्गठन गर्ने प्रस्ताव पेश भएको थियो ।

प्रकाशित समय १२:१७ बजे