ग्रेटर नेपाल अभियानका अभियन्ता फणीन्द्र नेपालले लडाइँमा मारिएका भारतीय गोर्खा सैनिकको लास नेपाल नपठाएको भन्दै जेनेभामा भारतको विरोध गरेका छन् ।

भरखरै नेपाली समय अनुसार १४: १० मा संयुक्त राष्ट्र संघ , मानवअधिकार परिषद् जेनेभाको ४० साैं सत्रमा संबोधन गर्दै नेपालले लडाइँमा मारिएका भारतीय गोर्खा सैनिकको लास नेपाल नपठाएको भन्दै जेनेभामा भारतको विरोध गरेका हुन् ।

सम्बोधनमा नेपालले सन् १९४७ नोवेम्बर ९ मा गोरखा सेना सम्बन्धमा भएको सन्धीअनुसार सेनालाई भारत र बेलायतमा भागबण्डा भएको थियो । सबै लडाइँमा मारिएका सेनालाई आफ्नो घर परिवारलाई बुझाईन्छ तर भारतीय गोरखा सेनामा रहेका नेपालीहरु लडाइँमा मारिदा उनीहरूको लास परिवारलाई हस्तान्तरण गरिदैन । यसरी हुने अमानवीय, अन्यायपूर्ण, असमान व्यवहारलाई रोक्न समेत नेपालले सभामा माग गरे ।

यस भन्दाअघिको सभामा नेपालले सुगौली सन्धीमार्फत नेपालले गुमाएकाे ६० हजार वर्ग कि.मि. जमिन भारतले उपनिवेश बनाएको बारे अन्तर्राष्ट्रिय जगतलाई जानकारी गराएका थिए ।

प्रकाशित समय १८:०८ बजे