मलेसियामा सांगीतिक कार्यक्रममा सहभागी हुन गएका बेला पक्राउ परेका तीन नेपाली कलाकारलाई छुटाउन नेपाली दूतावासले पहल थालेको छ । बिहीबार गैरकानुनी रुपमा सांगीतिक कार्यक्रम सञ्चालन गरेको भन्दै मलेसिया प्रहरीले सञ्चालक र कलाकार गरी २९ जनालाई पक्राउ गरेको थियो ।

इदको बिदाका कारण मलेसियाली सरकारी कार्यालय बन्द रहेकाले पक्राउ परेको र पहलका लागि कदम चाल्न कठिनाइ भएको जनाएको छ । विदेशमा हुने सांगीतिक कार्यक्रममा जान कलाकारको होडबाजी नै चल्ने गरे पनि आफू सहभागी हुने कार्यक्रमबारे विस्तृत जानकारी नराख्ने प्रवृत्तिले नेपाली कलाकार समस्यामा पर्ने गरेका छन् ।

प्रकाशित समय १६:२१ बजे