नुवाकोट प्रहरीले नेत्रविक्रम चन्द ‘विप्लव’ नेतृत्वको नेकपाका प्रवक्ता तथा पूर्वमन्त्री खड्गबहादुर विश्वकर्मालाई एक हप्ता थुनामा राख्ने म्याद मागे पनि जिल्ला अदालतले तीन दिनमात्र थुनामा राख्न आदेश दिएको छ ।

सर्वाेच्च अदालतले रिहा गर्न आदेश दिएलगत्तै अर्काे मुद्दामा प्रहरीले उनलाई पक्राउ गरेको थियो । शुक्रबार काठमाडौंबाट पक्राउ परेका उनलाई नुवाकोटस्थित जिल्ला अदालतले तीन दिन थुनामा राख्ने अनुमति दिएको हो ।

प्रकाण्डमाथि नुवाकोटको बेलकोटगढी–९ मा दुई स्काभेटर जलाएको आरोपमा मुद्दा चलाउन नुवाकोट लगिएको थियो । पक्राउबारे प्रतिक्रिया दिँदै प्रकाण्डले राजनीतिक प्रतिशोधले आफूलाई पक्राउ गरिएको प्रतिक्रिया दिएका थिए ।

प्रकाशित समय १७:४२ बजे