गृहपृष्ठ मन्त्री नै संविधानको विरोध गर्दै सडकमा उत्रिए

मन्त्री नै संविधानको विरोध गर्दै सडकमा उत्रिए

nabal-kishor-newskarobar

सरकारले राजधानी काठमाडौंमा धुमधाम साथ संविधान दिवस मनाइरहँदा प्रदेश सरकारका मन्त्री भने संविधानको विरोध कार्यक्रममा सहभागी भएका छन् ।

प्रदेश नम्बर २ का सामाजिक विकासमन्त्री नवलकिशोर साह विरोध कार्यक्रममा सहभागी भएका हुन् ।

बुधबार संविधान दिवसको दिन मन्त्रीकै अगुवाइमा विरोध प्रदर्शन भएको हो । यसअघि जनकपुरमै प्रदर्शनमा उत्रिएका सिके राउतका दुई सयबढी कार्यकर्तालाई भने प्रहरीले पक्राउ गरिसकेको छ ।

राउतका कार्यकर्ताका पछिपछि राजपाका नेता तथा कार्यकर्ताले संविधानको विरोध गर्दै जुलुस निकालेका हुन् । तीन वर्षअघि संविधानसभाबाट बनेको संविधान त्रुटिपूर्ण भन्दै आएको राजपाले केपी ओली नेतृत्वको सरकारलाई समर्थन गरेको छ ।

प्रकाशित समय १८:४० बजे

प्रतिक्रिया दिनुहोस्

सम्बन्धित शीर्षकहरु