शनिबार राति निधन भएका पूर्व उपप्रधान तथा अर्थमन्त्री भरतमोहन अधिकारीको शव श्रद्धाञ्जलीका लागि पार्टी कार्यालय धुम्बाराहीमा राखिएको छ ।

अधिकारीको पार्थिव शरीरमा नेपाल कम्युनिष्ट पार्टीका अध्यक्षद्वय केपी शर्मा ओली र पुष्पकमल दाहालले पार्टीको झण्डा ओढाएका छन् । मनमोहन स्मृति प्रतिष्ठान र मनमोहन पोलिटेक्निकका अध्यक्षसमेत रहेका अधिकारीको ८२ वर्षको उमेरमा शनिबार उपचारकै क्रममा निधन भएको थियो ।

स्वर्गीय अधिकारीको अन्त्यष्टि आजै गरिने पारिवारिक स्रोतले जनाएको छ । नेपाल कम्युनिष्ट पार्टी (नेकपा)को सचिवालय बैठकले नेता अधिकारीको निधनमा आज देशभर रहेका पार्टी कार्यालयमा पार्टीको झण्डा आधा झुकाउने निर्णय गरेको छ ।

प्रकाशित समय १०:२१ बजे