लिबियाको आप्रवासी थुनुवा केन्द्रमा भएको हवाई आक्रमणमा एक जना नेपाली युवकको मृत्यु भएको छ ।

मंगलबार राति भएको सो हमलामा २७ वर्षीय नेपाली युवक सन्तोष श्रेष्ठको मृत्यु भएको इजिप्टको कायरोमा रहेको नेपाली दूतावासले जनाएको छ । आक्रमणमा घाइते भएका श्रेष्ठको उपचारका क्रममा मृत्यु भएको अन्तर्राष्ट्रिय आप्रवासन संगठन(आईओएम) लिबियाले जानकारी दिएको दूतावासले जनाएको छ । सो हवाई आक्रमणमा ४० जनाभन्दा बढीको मृत्यु भएको अन्तर्राष्ट्रिय सञ्चारमाध्यमहरुले जनाएका छन् ।

मानव तस्करहरुले नेपालीलाई इटाली लैजाने लोभमा पार्दै लिबिया पुर्याउने गरेका छन् ।

प्रकाशित समय ०७:२५ बजे