पश्चिमी वायुको प्रभावले उच्च पहाडी तथा हिमाली भेगमा हिमपात हुने तथा पहाडी भेगका केही स्थानमा हल्का वर्षाको सम्भावना रहेको भन्दै मौसम पूर्वानुमान महाशाखाले सतर्क रहन आग्रह गरेको छ । महाशाखाले बुलेटिन जारी गरी वर्षा र हिमपातका कारण तापक्रममा गिरावट आई चिसो बढ्ने सम्भावना रहेकाले सतर्कता अपनाउन आग्रह गरेको हो ।

महाशाखाका अनुसार तराईमा हिजोआज बाक्लो हुस्सु र कुहिरो लागेका कारण चिसो बढेको छ । चिसोले तराईको जनजीवन कष्टकर बनेको छ । आइतबार देशका पूर्वी पहाडी भागमा आंशिक बदली भए पनि बाँकी क्षेत्रमा मौसम सफा रहने महाशाखाको अनुमान छ ।

महाशाखाका अनुसार शनिबार काठमाडौँ उपत्यकाको न्यूनतम तापक्रम ७ डिग्री सेल्सियस थियो । शनिबार धनगढीको न्यूनतम तापक्रम भने माइनसमा झरेको महाशाखाले जनाएको छ ।

प्रकाशित समय १३:३४ बजे