विशिष्ट व्यक्तिहरुको फोटोको स्वरुप परिवर्तन गरी सामाजिक सञ्जालमा पोस्ट गरेको आरोपमा सिन्धुली तिनपाटन गाउँपालिका १ बेलघारी बस्ने मधु पौडेल भन्ने २२ वर्षीय तोरणराज पौडेललाई प्रहरीले पक्राउ गरेको छ ।

उनले प्रधानमन्त्री केपी शर्मा ओलीलगायत अन्य विशिष्ट व्यक्तिको फोटोको स्वरुप परिवर्तन गरी सार्वजनिक नैतिकता र शिष्टाचारविरुद्धको सामग्री प्रकाशन गरी घृणा र द्वेश फैलाउने उद्देश्यले विद्युतीय स्वरुपमा गैरकानुनी कुरा प्रकाशन गरेको अनुसन्धानबाट खुल्न आएको प्रहरी प्रधान कार्यालय साइबर ब्युरोले जनाएको छ । जिल्ला अदालत काठमाडौंबाट पाँच दिन म्याद थप लिई पौडेलउपर थप अनुसन्धान भइरहेको ब्युरोले जनाएको छ ।

प्रकाशित समय १५:१२ बजे