अख्तियार दुरूपयोग अनुसन्धान आयोगले गोरखापत्र संस्थानका महाप्रबन्धक वसन्त प्रकाश उपाध्यायसहित चार जनाविरूद्ध विशेष अदालतमा मुद्दा दायर गरेको छ । अख्तियारले संस्थानका महाप्रबन्धक उपाध्याय, पूर्वमहाप्रबन्धक सुशील कोइराला, पूर्वअर्थ निर्देशक रामसुन्दर चौधरी र आपूर्तिकर्ता प्रिन्टसेल इमेजिङ प्रालिका सञ्चालक दीपककुमार भन्सालीविरूद्ध भ्रष्टाचार मुद्दा दायर गरेको हो ।

अख्तियारका प्रवक्ता प्रदीपकुमार कोइरालाका अनुसार उनीहरूबाट २६ लाख १६ हजार १० रुपैयाँ भ्रष्टाचार भएको पाइएपछि मुद्दा दायर गरिएको हो । गोरखापत्र संस्थानले प्रिन्ट कागज खरिद गर्दा भन्सार छुटका लागि सिफारिस गरी रकम हिनामिना गरेको अख्तियारको आरोप छ ।

प्रकाशित समय १६:४२ बजे