गृहपृष्ठ गुल्मीमा जीप दुर्घटना : ६ जनाको मृत्यु, दुई घाइते

गुल्मीमा जीप दुर्घटना : ६ जनाको मृत्यु, दुई घाइते

durghatna-accident-newskarobar सांकेतिक तस्बिर ।

गुल्मीको इस्मा गाउँपालिकामा आज बिहान जीप दुर्घटनामा परी ६ जनाको मृत्यु भएको छ ।

सदरमुकाम तम्घासका लागि छुटेको लु १ ज ११६६ नं. को जीप इस्मा –४ अन्तर्गत हुल नजिकै दुर्घटना हुँदा पाँच जनाको घटनास्थलमै र अर्का एक जनाको अस्पताल लैजाँदै गर्दा बाटोमा मृत्यु भएको थियो ।

दुर्घटनामा परी मृत्यु हुनेमा इस्मा–४ का ६५ वर्षीय डम्बरबहादुर धिताल, ३३ वर्षीय चित्रबहादुर दर्लामी र धनबहादुर अछामी, ३० वर्षीय वसन्त दर्लामी र मालिका गाउँपालिका–५ ८० वर्षीया सुन्दरी थापा रहेको जिल्ला प्रहरी कार्यालयका प्रहरी उपरीक्षक प्रवीणलाल श्रेष्ठले बताए । घाइते तीनमध्ये इस्मा–४ का १९ वर्षीय फर्सुराम थापालाई भने उपचारका लागि गुल्मी अस्पताल तम्घास ल्याइ पुर्‍याए पनि बाटामै मृत्यु भइसकेको गुल्मी अस्पतालका प्रमुख डा. उत्तम पाच्यले जानकारी दिए ।

दुर्घटनामा परी घाइते इस्मा–४ की २८ वर्षीया सरस्वती दर्लामी र २६ वर्षीय कमल धिताङको अहिले गुल्मी अस्पतालमा उपचार भइरहेको छ । दश यात्रु बोकेर सदरमुकामतर्फ आउँदै गरेको उक्त जीप ब्रेकफेल भई दुर्घटना हुँदा सडकबाट ४ सय मिटर तल खसेको प्रहरीले जनाएको छ । (रासस)

प्रकाशित समय ११:३५ बजे

प्रतिक्रिया दिनुहोस्

सम्बन्धित शीर्षकहरु