बालुवाटारको ललिता निवास प्रकरणका विषयमा पूर्वप्रधानमन्त्रीद्वय माधव कुमार नेपाल र बाबुराम भट्टराईलाई विपक्षी बनाई दायर गरिएको रिटको सुनुवाइ गर्दै सर्वोच्च अदालतले प्रमाण बुझ्न आदेश गरेको छ ।

रिटमाथि आइतबार सुनुवाइ गर्दै न्यायाधीशहरु डा. आनन्दमोहन भट्टराई र हरि फुयाँलको संयुक्त  इजलासले उक्त आदेश गरेको हो । ललिता निवास प्रकरणमा नेपाल र भट्टराईलाई किन मुद्दा नचलाएको ? भनी वरिष्ठ अधिवक्ता बालकृष्ण न्यौपानेले रिट निवेदन दायर गरेका थिए ।

रिटमा अख्तियार दुरुपयोग अनुसन्धान आयोगलाई समेत विपक्षी बनाइएको छ । सो मुद्दा भने विशेष अदालतमा विचाराधीन छ । नेपाल २०६६ मा र भट्टराई २०६९ मा प्रधानमन्त्री रहेका थिए ।

प्रकाशित समय १६:५५ बजे