‘छोरीलाई दाइजो होइन पैत्रिक सम्पतिको अंश देउ’ भन्ने नाराका साथ मोरङका मुस्लिम समूदायले दहेजविरुद्ध अभियान सुरु गरेका छन् । दाइजोविरुद्ध १० दिने अभियान अन्तर्गत मोरङको धनपालथान गाँउपालिकाका मुस्लिम समुदायहरुले कर्सिया वजारमा र्याली निकालेर दहेजविरुद्धको अभियान सुरु गरेका हुन् ।

-यालीपछि आयोजित कोणसभामा मुस्लिम समुदायका अगुवा तथा जनप्रतिनिधिहरुले दहेज लिनु र दिनु पाप हो भन्दै अबदेखि छोराछोरीको विवाहमा दहेज नलिने र दहेज नदिने सामूहिक प्रतिवद्धता व्यक्त गरे । कार्यक्रममा धनपालथान गाउँपालिका-६ का वडाध्यक्ष मोहमद हुसेनले दहेज प्रथाको अन्त्यका लागि अभियान सुरु गरेको बताए । उनले अभियानलाई घरघरसम्म पुर्याउनेमा जोड दिए ।

मुस्लिम अगुवा मौलाना सयदले दहेजविरुद्धको अभियानलाई सफल बनाउन यसको सुरुवात परिवार र समुदायबाटै हुनुपर्ने बताए । यो अभियान मोरङको १७ वटै स्थानीय तहमा सुरु गरिने कार्यक्रममा जानकारी गराइएको थियो ।

प्रकाशित समय १५:३२ बजे