फ्रान्सेली च्याम्पियन पेरिस सेन्ट जर्मेन (पीएसजी) यूईएफए च्याम्पियन्स लिगको सेमिफाइनल प्रवेश  गरेको छ । खेलको अन्तिम समयमा २ गोल गर्दै प्रतिद्वन्द्वी एटलान्टालाई पराजित गरेपछि पीएसजीले लिगको अन्तिम चारमा स्थान पक्का गरेकाे हाे ।

बुधबार पोर्चुगलको राजधानी लिस्बनमा भएको पहिलो क्वाटरफाइनलमा हारनजिक पुगेको पीएसजीले चमत्कारपूर्ण २-१ को नतिजा निकालेको हो । मारियो पासालीचले एटलान्टालाई पहिलो हाफमा अग्रता दिलाएका थिए । तर अन्तिममा ३ मिनेटको अन्तरमा मार्किन्हस र चुपो मोटीङले गोल गरेपछि पीएसजीले खेलकाे नजितजा आफ्नो पक्षमा बनायो ।

यस जितसँगै पीएसजी क्लब इतिहासमा दोस्रो पटक सेमिफाइनल प्रवेश गरेको छ । अब फाइनल प्रवेशका निम्ति पीएसजीले एटलेटिको म्याड्रिड र आरबी लाइप्जिगबीच खेलको विजेतासँग खेल्नेछ ।

प्रकाशित समय १३:१२ बजे