गृहपृष्ठ सन्दीप लामिछानेले अफगानिस्तान प्रिमियर लिग खेल्ने

सन्दीप लामिछानेले अफगानिस्तान प्रिमियर लिग खेल्ने

१५ हजार अमेरिकी डलर पाउने

sandeep_newskarobar

नेपाली युवा क्रिकेटर सन्दीप लामिछाने अफगानिस्तान प्रिमियर लिग (एपिएल) टी–२० क्रिकेट प्रतियोगितामा खेल्ने भएका छन् । सोमबार युएईको दुबईमा भएको अक्सनमा सन्दीपलाई नान्गहरले आफ्नो टिममा आवद्ध गरेसँगै सन्दीपले एपिएलमा खेल्ने पक्का भएको हो ।

उनीलाई नान्गहरले १५ हजार अमेरिकी डलरमा आवद्ध गरेको हो । नेपालबाट सन्दीपसँगै पारस खड्का र सोमपाल कामीको नाम परेपनि बोलबोलाइमा सन्दीप मात्रै परे । एपिएल आगामी आसोज १९ देखि कार्तिक २ सम्म युएईको शारजाहमा हुनेछ ।

सन्दीपले यसअघि इन्डियन प्रिमियर लिग (आइपीएल), ग्लोबल टि—ट्वान्टी क्यानडा र क्यारेबियन लिग (सीपीएल) प्रतियोगितामा उत्कृष्ट प्रदर्शन गरेका थिए ।

प्रकाशित समय ०८:४५ बजे

प्रतिक्रिया दिनुहोस्

सम्बन्धित शीर्षकहरु