आहा रारा गोल्ड कप फुटबल प्रतियोगितामा १० टिमले सहभागीता जनाउने भएका छन् ।

फागुन ९ गते देखि पोखरा रंगशालामा हुने १७ औं संस्करणको प्रतियोगितामा २ विदेशी र ८ नेपाली टिमको सहभागिता हुने आयोजक सहारा क्लबले जनाएको हो ।
प्रतियोगितामा क्यामरुनको डफिन्स टिम फेम्ली फुटबल क्लब र भारतको सिक्किम युनाईटेड क्लब, नेपालका तीन विभागिय टिम सशस्त्र प्रहरी बलको एपीएफ, त्रिभुवन आर्मी क्लब र नेपाल पुलिस क्लबले सहभागीता जनाउछन् ।

यस्तै लिग विजेता मनाङ मर्स्याङ्दी क्लब, थ्रिस्टार, हिमालयन शेर्पा, संकटा र आयोजक सहारा क्लबले प्रतियोगीता खेल्नेछन् । छैंटौं मनकामना केबलकार पोखरा कपको विजेता क्यामरुनको डफिन्स टिम फेम्ली क्लब दुई साता नबित्दै अर्को प्रतियोगितामा सहभागी हुन लागेको हो ।

प्रतियोगिताको विजेताले ८ लाख एक हजार र उपविजेताले भने ४ लाख एक हजार रुपैयाँ प्राप्त गर्नेछन् । उत्कृष्ट हुने खेलाडीलाई स्कुटर दिइने आयोजकले जनाएको छ ।

प्रकाशित समय ०७:५८ बजे