भारतले १३औं दक्षिण एसियाली खेलकुद (साग) को पुरुष फुटबल नखेल्ने भएकाे छ । समूह विभाजन र खेल तालिका सार्वजनिक भइसकेपछि भारतले आइतबार यस्तो निर्णय गरेको हाे । गत शुक्रबार अखिल नेपाल फुटबल संघ (एन्फा)ले सागका लागि पुरुष र महिला दुवै टोलीको खेल तालिका सार्वजनिक गरेको थियो ।

भारत नखेल्ने भएपछि अब पाँच टोलीबीच ‘राउन्ड रोविन’को आधारमा खेल खेलाइने एन्फाले जनाएको छ । शीर्ष दुई टोली उपाधिका लागि भिड्नेछन् ।

महिला फुटबलमा  पनि नेपालसहित, भारत, श्रीलंका र माल्दिभ्सले मात्र भाग लिने भएका छन् ।

प्रकाशित समय १२:२९ बजे