काठमाडौँ एन्जल मिडियाको आयोजनामा ‘नेपाल हिरो अफ ट्यालेन्ट’ रियालिटी शो हुने भएको छ । गायन नृत्य तथा अन्य प्रतिभालाइ समेटेर गर्न लागिएको रियालिटी शोको आइतबार राजधानीमा पत्रकार सम्मेलन गरि जानकारी गराइयो । नेपालको विभिन्न स्थानमा लुकेर रहेका प्रतिभाहरुलार्इ स्थान दिने गरी ‘नेपाल हिरो अफ ट्यालेन्ट’ गर्न लागिएको हो ।
नेपालका सातै प्रदेश र ७७ वटै जिल्लाको प्रतिनिधित्व हुने गरी १४ वटा मुख्य स्थानमा अडिसन गराई १० हजार जनालाई अडिसनमा सहभागी गराइने कार्यक्रममा जानकारी दिइयो । अडिसनबाट छनोट भएकालाई काठमाडौँ बोलाएर जर्ज राउण्डबाट भोटिंग राउण्डमा प्रवेश गराई भोटिंग राउण्डबाटै प्रथम र द्वितीय छनोट गरिने छ । प्रथम हुनेलाइ नगद ७० लाख द्वितीय हुनेलाइ २० लाख र तृतीय हुनेलाइ नगद १० लाख प्रदान गरिनेछ ।
कार्यक्रममा गायक आनन्द कार्की, संगीतकार ओमप्रकाश राइ र अभिनेत्री एलिना बास्कोटा निर्णायक रहेने छन् । कार्यक्रम मेघा टेलिभिजनमार्फत प्रशारण हुनेछ । चैत २५ गतेबाट अडिसन सुरु हुनेछ । पत्रकार सम्मेलनमा कार्यक्रमको आयोजक प्रेम श्रेष्ठ निर्णायकहरु आनन्द कार्की, एलिना बास्कोटा र मेघा टेलिभिजनका प्रतिनिधिले आआफ्नो मन्तब्य राखेका थिए ।

प्रकाशित समय १७:४४ बजे