अमेरिकाको मेसेच्युसेट्सका एक दम्पतीले ६० वर्षअघि हराएको औंठी भेटिएला भन्ने कल्पना गरेका थिएनन् । मेटल डिटेक्टरसहित तलाउ र समुद्रका पिँध चाहर्ने स्कुवा गोताखोर लुक बेरुबले उनीहरुको औंठी भेट्टाई दिए । गोताखोर बेरुबले पानीमुनि रहेका मूल्यवान् सामग्री खोज्न खुब समय दिन्थे ।

हालै बेरुबले स्कुबा सहरको पोखरीमा गोता लगाए । उनले त्यहाँ १९६० मा खसेको औंठी भेटाए । सुनको औंठीमा त्यसै सहरको विद्यालयको नाम लेखिएको थियो । औंठीमा अंग्रेजी अक्षर डब्लुजेडब्लु पनि कुँदिएको थियो ।

बेरुबलाई यो औंठीवाला मानिस भेटिने जस्तो लाग्यो । बेरुब फर्केर स्कुलबारे इन्टरनेटमा सोधीखोजी गरे । औंठीमा परिचय खुल्ने अक्षर थिए । बेरुबलाई मानिस खोजेर यो औंठी फिर्ता गर्ने इच्छा भयो । हराएको वस्तु फेला पार्दा मानिस निकै आनन्दित हुने । बेरुब मानिलाई यही आनन्द दिन उत्सुक थिए ।

यसपछि बेरुबले गेट अफ हेवन विद्यालयका पूर्वविद्यार्थीहरुको एक पेजमा मित्र बन्ने कोसिस गरे । उनले म्यासेजमा आफूले डुबुल्की मार्दा औंठीहरु भेटाएको र ती औंठीहरु वास्तविक धनीलाई फिर्ता दिन चाहेको पनि लेखे । एकजनाले उनलाई ग्रुपमा समावेश गरे । बेरुबले आफूले हालै सहरको पोखरीमा औंठी भेटाएको कुरा लेखे ।

बोस्टनको साउदी क्षेत्र इलाकामा बस्ने विलियम जोसेफ वेडलकी छोरी क्रिस्टिनले इन्टरनेमा पोस्ट भएको औंठी आफ्ना पिताको भएजस्तो लाग्यो । उनले आफ्ना पितालाई उक्त पोस्ट देखाइन् । ७७ वर्षीय जोसेफले एकैपटकमा ६० वर्षअघि हराएको औंठी चिने ।

औंठी पत्ता लागेपछि क्रिस्टिनले बेरुबसँग सम्पर्क गरिन् । जोसेफले यो औंठी आफूले प्रेमिकालाई दिएको बताए । ‘उनले त्यो औंठी ६० वर्षअघि हराएकी थिइन्,’ जोसेफले भने । बेरुबलाई यो औंठी उनैको भएको विश्वास लाग्यो । बेरुबले खुसीसाथ जोसेफलाई औंठी फिर्ता दिए ।

बेरुबले १२–१३ वर्षदेखि डुबुल्की लगाउन सुरु गरेका हुन् । चार वर्षयता उनले मेटल डिटेक्टर लिएर डुबुल्की लाउन थाले । यसरी डुबुल्की लगाउँदा उनले बहुमूल्य पत्थर वा गहना फेला पार्न थाले । हालसम्म १ सयभन्दा बढी औंठी जम्मा भएका छन् । बेरुब यी सामग्री वास्तविक धनीलाई फर्काउन चाहन्छन् । धेरैजसो सामग्रीवाला मानिसको पहिचान भने खुल्दैन । (एजेन्सी)

प्रकाशित समय ११:१२ बजे