१३ औं दक्षिण एसियाली खेलकुद (साग)का पदक विजेता खेलाडीलाई उपत्यका घुमाएर नागरिक अभिनन्दन गरिने भएको छ ।

देशलाई पदक दिलाउने खेलाडी तथा तिनका प्रशिक्षकको सम्मानमा शुक्रबार नागरिक अभिनन्दन गर्न लागिएको राष्ट्रिय खेलकुद परिषद्ले जनाएको छ ।

शुक्रबार बिहान ११ बजेबाट नगरपरिक्रमा कार्यक्रम सुरु हुँदैछ । जसअन्तर्गत राष्ट्रिय खेलकुद परिषद् त्रिपुरेश्वरबाट नगर परिक्रमा सुरु भएर न्युरोड, इन्द्रचोक, रत्नपार्क, सिंहदरबार पुल्चोक, लगनखेल, सातदोबाटो, कोटेश्वर हुँदै सल्लाघारीम्म हुनेछ ।

परिषद्का अनुसार, त्यहाँबाट पुनः सल्लाघारी, कोटेश्वर, बानेश्वर हुँदै राखेपमा प्रांगणमा आएर खेलाडीको सम्मानमा आयोजित नागरिक अभिनन्दन कार्यक्रम समापन हुने बताइएको छ ।

प्रकाशित समय ०९:२८ बजे