जबरजस्ती करणी प्रयासको अभियोगबाट सफाइ पाएका पूर्वसभामुख कृष्णबहादुर महराले अब संसद बैठकमा सहभागी हुन पाउने भएका छन् ।

मंगलबार काठमाडौंं जिल्ला अदालतले प्रतिनिधिसभा सदस्य महराले मुद्दामा सफाइ पाएको जानकारी सहितको पत्र संसद सचिवालयमा पठाएको छ । पत्रको जानकारीसँगै महराले अब  रोकिएको सेवा सुविधासमेत प्राप्त गर्नेछन् ।

काठमाडौं जिल्ला अदालतले सोमबार महरा निर्दोष रहेको ठहर गरेको थियो । त्यसलगत्तै उनी डिल्लीबजार कारागारबाट छुटेका थिए । करिब साढे चार महिनाअघि उनीविरुद्ध जबरजस्ती करणी प्रयास गरेको मुद्दा दायर भएपछि उनी सभामुख पदबाट निलम्बित भएका थिए ।

प्रकाशित समय १४:२४ बजे